UTAPELI WA SIMU WAZIDI! Katambi Aita Vodacom, Airtel, YAS, Halotel na TTCL
Dar es Salaam, Tanzania: Waziri wa Mambo ya Ndani ya Nchi, Patrobas Katambi, ameitisha kikao maalum na makampuni ya simu nchini ikiwemo Vodacom, Airtel, YAS, Halotel, TTCL na Zantel kujadili ongezeko la matukio ya utapeli wa simu na uhalifu wa mtandaoni unaotumia namba za simu za wananchi.
Hatua hiyo imekuja kufuatia malalamiko ya wananchi kuhusu kuongezeka kwa simu za utapeli ambapo baadhi ya wahalifu huwapigia simu wazazi na kuwapa taarifa za uongo kuwa watoto wao wameugua, wamepata ajali au wanahitaji msaada wa haraka, kisha kuwaelekeza kutuma fedha.
Katambi Aitisha Kikao na Makampuni ya Simu
Waziri Katambi ametoa wito kwa viongozi wa makampuni ya Vodacom, Airtel, YAS, Halotel, TTCL na Zantel kufika Wizarani jijini Dar es Salaam kwa ajili ya kujadili namna ya kuimarisha usalama wa mawasiliano na kudhibiti matumizi ya namba za simu katika shughuli za kihalifu.
Kwa mujibu wa Waziri huyo, ushirikiano kati ya Serikali, vyombo vya usalama na makampuni ya mawasiliano ni muhimu ili kulinda wananchi dhidi ya matukio ya utapeli yanayoongezeka kupitia simu za mkononi.
Makampuni Yaliyoalikwa Kwenye Kikao
- Vodacom Tanzania
- Airtel Tanzania
- YAS Tanzania
- Halotel Tanzania
- TTCL Corporation
- Zantel Tanzania
Lengo la Kikao
Kikao hicho kinatarajiwa kujadili mbinu za kisasa za kutambua na kudhibiti namba zinazotumiwa kufanya utapeli, kuimarisha mifumo ya usalama wa mawasiliano pamoja na kuongeza ushirikiano wa kiusalama katika sekta ya mawasiliano nchini.
Wananchi wanahimizwa kuwa makini wanapopokea simu kutoka kwa watu wasiowafahamu na kuthibitisha taarifa kabla ya kutuma fedha au kutoa taarifa zao binafsi.
Tazama video hapo juu kupata taarifa kamili kuhusu hatua zinazochukuliwa na Serikali kupambana na utapeli wa simu na uhalifu wa mtandaoni nchini Tanzania.
Chanzo: Wizara ya Mambo ya Ndani ya Nchi Tanzania.