WAKULIMA WA MKONGE WAKABILIWA NA UHABA WA MASHINE ZA KUCHAKATA MKONGE.

Na Robert Benjamini 

Mkuu wa mkoa wa Tanga Omari Mgumba ameishauri benki ya NMB pamoja na taasisi zote za kifedha zilizopo kuendelea kutoa mikopo kwa wafanyabiashara  na wakulima hii ikiwa ni pamoja  na  kuwawezesha  vifaa  vya umwagiliaji vitakavyowasaidia kuondokana na kilimo cha kutegemea msimu wa mvua.

Mgumba ametoa wito huo kwa taasisi za kifedha wakati akizindua tawi jipya la benki ya ya NMB Ngamiani lililopo jijini Tanga ambapo  alisema kuwa yapo maeneo mengi yanayofaa kwa kilimo cha umwagiliaji hekta zaidi ya Millioni 2 huku changamoto kubwa kwa wakulima ikiwa ni ukosefu wa vifaa  vinavyoweza kujikita katika sekta hiyo itakayowasaidia kujipatia maendeleo  na hatimaye kuweza kuchangia pato la Taifa.

"Tunazo zaidi ya hekta millioni mbili zinazofaa kwa umwagiliaji  na maji yapo lakini  mpaka sasa ni kati ya hizo tumeweza kuendeleza na kuwekeza kwenye hekta laki sita na sitini  tu  ombi langu  kwa taasisi zote za fedha na mabenki yote angalieni Sera zenu kuanza  kukopesha kwenye sekta ya umwagiliaji   ili tutatue changamoto kwa wakulima  ya kutegemea kilimo cha mvua ili hatimaye  wawe na uhakikia na kipato na uwekezaji wao kwenye sekta ya kilimo" alisema Mgumba.

Aidha kufwatia upanuzi wa Bandari ya Tanga wa kuongeza kina cha bahari ambao unatarajiwa utakapokamilika mwezi November utakuwa na uwezo wa kumhudumia shehena ya  mizigo ipatayo tani millioni tatu  kwa mwaka amezitaka taasisi hizo kuwakopesha  wafanyabiashara  na wawekezaji watakaoweza kujenga  maghala ya kuhifadhia shehena hiyo hatua ambayo itasaidia kuitangaza Bandari hiyo kimataifa.

"Katika Bandari yetu ya Tanga tumeongeza kina kutoka mita 3 mpaka 13 na sasa hivi tunaweza kushusha Meli nne kwa pamoja na mradi utakapokamilika tutaweza kushusha shehena million tatu kwa mwaka kutoka Taki laki saba kwa Sasa ,uwekezaji huo mkubwa uliofanywa na serikali  katika Bandari yetu umeleta fursa nyingine katika sekta ya uhifadhi wa mizigo lakini hatuna maghala ya kuhifadhia shehena hiyo  wito kwa NMB ni  kutoa mikopo kwa wafanyabiashara na wawekezaji ili waje kuwekeza ujenzi wa  maghala" aliongeza

Awali akizungumza meneja wa uchumi na takwimu  kutoka benki kuu ya Tanzania kanda ya Kaskazini  Ernest Ndunguru amebainisha kuwa kumekuwa na changamoto kwa taasisi za kifedha kushindwa kuwahudumia wateja wake hasa kipindi cha sikukuu na wikiendi  huku akiipongeza benk hiyo kwa kuendelea kupeleka huduma zake karibu na jamii akiahidi  kuendelea kutoa ushirikiano kwa taasisi zote za kifedha hapa nchini.

"NMB kufungua tawi jipya ni ishara ya kuonyesha kwamba wapo bega kwa bega na BOT katika kutekeleza sera za fedha na kuhakikisha mzunguko wa fedha  na huduma zingine zinawafikia wananchi , kumekuwa na utamaduni wa mabenki kushindwa kuwahudumia wateja wake  hasa siku za sikukuu na wikiendi hili ni tatizo la karibuni benki nyingi ni vizuri changamoto hii ikatiliwa maanani" alisema Ndunguru

"Sisi Benki kuu ya Tanzania ambao ni wasimamizi wakuu wa benki na taasisi zote za kifedha tutaendelea kuwaunga mkono  mabenki yote ili kuhakikisha ustawi wao unaimarika na hautetereki" aliongeza.

Kwa upande wake afisa mkuu wa NMB anayesimamia wateja wakubwa wa serikali na taasisi zake  Alfred Shayo alisema kuwa wameendelea kuwawezesha kuwainua   watanzania kupitia sekta ya kilimo ambapo wameweza kutoa shilingi bilioni 100 pamoja na kuirejesha asilimia 1 kwa jamii huku wakitoa gawio la shilingi bilioni 30.9 kwa serikali mwaka jana.

"Benki ya NMB tumefanya kazi kwa karibu sana na serikali pamoja na wateja wetu kwa  upande wa Kanda ya Kaskazini tuna matawi 40 kwenye upande wa kilimo tulitenga shilingi bilioni 100 ambazo tulikopeasha kwa wakulima wadogowadogo kwa riba isiyozidi 9%, tumekuwa na deaturi pale tunapopata faida tunarudisha 1% kwa jamii na kwa mwaka jana tultoa gawio kwa serikali kiasi cha bilion 30.9 mwak"

Sambamba na hayo benki ya NMB iliweza kutoa mabati 250 yenye thamani ya shilingi milioni 10 kwa shule ya msingi Masiwani iliyopo jijini Tanga kama sehemu ya kurudusha faida waliyoipata kwa jamii.