VIJIJI ZAIDI YA ELFU 12 TANZANIA BARA KUPATA HUDUMA YA UMEME KUPITIA REA

Na Yusuph Digossi

Imeelezwa kuwa kukamilika kwa mradi wa wakala wa Nishati Vijijini REA wa awamu ya tatu mzunguko wa pili kutapelekea vijiji takribani 12545 vya Tanzania bara kufikiwa na huduma ya umeme ambapo mradi huo wa awamu ya tatu mzunguko wa pili unabeba vijiji 4034 ambao utekelezaji wake unaendelea.

Hayo yamesemwa leo Alhamisi Desemba 8, 2022 na Mkurugenzi Mkuu wa Wakala wa Nishati Vijijini (REA) Mhandisi Hassan Saidy wakati akieleza kuhusu mafanikio ya REA kwenye miradi ya kusambaza nishati vijijini akiwa kwenye ujenzi wa Kituo cha kupoza umeme Ifakara

Pia Mkurugenzi Mkuu huyo amesema katika kuendeleza dhamira ya Serikali kuhakikisha kila mwananchi anafikiwa na huduma ya umeme kwa mwaka huu wa fedha wakala huo unatarajia kuanzisha mradi wa ujazilizi awamu ya pili B na awamu ya Pili C.

 Amesema mradi wa ujazilizi awamu ya Pili B utapeleka umeme katika vitongoji 1600 kwenye mikoa 9 huku mradi wa ujazilizi amamu ya pili C ukitarajiwa kupeleka umeme katika vitongoji 1800 kwenye Mikoa 11 .