LSF YAJIKITA KUTEKELEZA NA KUENDELEZA KAMPENI YA MSAADA WA KISHERIA YA MAMA

Kufuatia uzinduzi wa Kampeni ya Huduma ya Msaada wa Kisheria ya Mama Samia

iliyozinduliwa tarehe 15 Februari 2023 Jijini Dar es Salaam na Waziri wa Katib

Sheria, Dkt. Damas Ndumbaro, Shirika lisilo la kiserikali la Legal Services Facility

(LSF) limeendesha kikao cha kupanga utekelezaji wa kampeni hiyo katika ofisi zake zilizopo Masaki Jijini Dar es Saalam.

Kikao hicho mahususi kimeratibiwa na Wizara ya Katika na Sheria kwa kushirikisha kikosi kazi kilichojumuisha wadau kutoka serikalini na mashirika yasiyo ya

kiserikali kikiwa na lengo kuu la kuangalia utekelezaji wa maeneo makuu matatu ya kampeni hiyo.

Malengo ya Kampeni ya Huduma ya Msaada wa Kisheria ya Mama Samia inalenga kutoa elimu kwa wananchi juu ya masuala ya utawala wa sheria pamoja na haki za binadamu, kujengea uwezo wadau katika mnyororo wa kutoa haki pamoja na kuboresha mifumo, sera na sheria ili kukuza upatikanaji wa haki nchini.

Akizungumza kuhusu Kampeni ya Huduma ya Msaada wa Kisheria ya Mama Samia,

Mkurugenzi Mtendaji wa LSF, ambaye pia ni Makamu Mwenyekiti wa Kamati ya Kampeni hiyo, Lulu Ng’wanakilala amesema umuhimu wa kampeni hii na jukumu

la LSF kama wadau wakubwa katika sekta ya msaada wa kisheria nchini utachochea upatikanaji haki na kuleta nguvu ya pamoja kwa wadau wanaushughulikia masuala ya haki ,usawa na sheria hapa nchini.

“LSF kwa takribani miaka 11 sasa tumekuwa tukitekeleza mradi wa upatikanaji wa

haki kwa kuwezesha watoa huduma za msaada wa kisheria zaidi ya 4000 na mashirika 184 Tanzania bara na Zanzibar kutoa huduma za msaada wa kisheria kwa wananchi wenye uhitaji bure bila gharama zozote,” Ng’wanakilala

Kuwepo kwa idadi kubwa ya wasaidizi wa kisheria na mashirika tunayoyapatia ruzuku kumewezesha huduma za msaada wa kisheria kutolewa kila mkoa na kila wilaya.

“Hii imesaidia kupungua kwa migogoro inayoenda mahakamani kwani asilimia 60

ya mashauri takribani 90,000 yanayoletwa kwa watoa huduma za kisheria kila mwaka hutatuliwa na watoa huduma wa msaada wa kisheria,”alisema Ng’wanakilala

Alisema hii inaonyesha wazi kuwa, mifumo hii ya utoaji wa huduma za msaada wa kisheria na usuluhishi ikiboreshwa zaidi kupitia kampeni hii kwa kiasi kikubwa italeta tija na kuwawezesha wananchi kupata haki zao kwa wakati

Aidha Ng’wanakilala ameongeza kuwa, wanawajengea uwezo watoa huduma za msaada wa kisheria kwa kuwapatia kozi mbalimbali za kisheria na haki,wanajenga mifumo ya utawala bora,uendeshaji wa kiprogramu na usimamizi wa kifedha kwa mashirika yanayopokea ruzuku kutoka kwetu.

“Hii imesaidia sana kujenga dhana ya uwajibikaji na uwazi kwa mamlaka zinazosimamia shughuli zao na kwa wananchi, ambao ni wanufaika kwa ujumla na kuyawezesha mashirika haya kujidhatiti na kupata rasilimali katika maeneo mengine zitakazowawezesha kufanya huduma za msaada wa kisheria kuwa endelevu,” ameongeza Ng’wanakilala.

Pia,kuhusu jitihada zinazofanywa na LSF ili kutengeneza mfumo endelevu wa kitaasisi katika utoaji wa huduma za msaada wa kisheria nchini amesema kuwa Kwa miaka mingi LSF tumekuwa tukiangalia ni kwa namna gani hizi huduma zinaweza kuwa endelevu na kuwafikia wananchi wengi zaidi kwa muda mrefu.

“Tuko katika kampeni hii ikiwa ni sehemu ya kufikia matarajio yetu ya kuona kwamba wananchi wanajua haki zao, kunakuwa na mifumo thabiti na uboreshaji wa ushirikiano wa wadau kwa kuchochea juhudi za makusudi kuchukuliwa ilikuboresha sekta ya msaada wa kisheria nchini ikiwemo serikali kutenga rasilimali fedha kupitia mfuko wa huduma za msaada wa kisheria, ambao utafanya huduma hizi kuwa endelevu,” amefafanua Ng’wanakilala.

Katika hatua nyingine Ng’wanakilala ameomba wadau wote katika sekta ya msaada wa kisheria ikiwemo Serikali,mashirika yasiyo yakiserikali,wadau wa maendeleo, sekta binafsi, pamoja na vyombo vya habari kuunganisha juhudi zao kwa pamoja katika kampeni ili kuleta mabadiliko chanyakatika sekta ya msaada wa kisheria na maisha ya jamii kwa ujumla hususaniwanawake na watoto.

“Tunaahidi kuendelea kushirikiana na serikali na wadau katika kuhakikisha tunawafikia watu wengi zaidi hususani maeneo ya pembezoni.” amesisitiza

Ng’wanakilala.

Kampeni ya Huduma ya Msaada wa Kisheria ya Mama Samia ilizinduliwa mnamo tarehe 15 Februari 2023, ambapo itaendeshwa kwa takribani miaka mitatu nchi nzima Tanzania bara na Zanzibar.